Toyota preferon motore benzin-elektrik!

Derisa Toyota, si udhëheqës botëror në prodhimin e automjeteve hibride, preferon motorë benzinë-elektrik, salloni i sivjetmë në Gjenevë ka vërtetuar se prodhuesit evropianë si opsion më të mirë e konsiderojnë lidhjen dizel-elektrikë.

Në fakt, shfrytëzueshmëria më e madhe të cilën e arrijnë motorët kompakt dizel, në krahasim me ata me benzinë, kanë krijuar mundësitë për proto type mbresëlënëse siç është rasti i atij të Volkswagenit - Golf Hybrid, i cili në njëqind kilometra shpenzon vetëm tri litra e gjysmë karburant. Përkundër të gjitha rezultateve, drejtori ekzekutiv i Toyotas, Katsuaki Watanabe, ka thënë në panairin e automjeteve të Gjenevës se, Toyota nuk ka ndërmend të zhvillojë hibride dizel-elektrikë. Në Toyota kanë për qëllim të fokusohen në zhvillimin e teknologjisë së baterisë e cila në Prius-in e tyre do të mundësonte të kalohen 80 kilometra autonome, ekskluzivisht me energji elektrike.